Məxfilik siyasəti

Saytı kim idarə edir

XDR LAB — XDR ekosisteminin AI capability istiqamətidir. Bu sayt və buradakı müraciət formaları XDR tərəfindən idarə olunur.

Məxfiliklə bağlı hər hansı sualınız və ya müraciətiniz üçün: lab@xdragency.az

Hansı məlumatı toplayırıq

Saytda hesab yaratmaq tələb olunmur. Məlumat yalnız siz proqram müraciət formasını doldurduqda toplanır.

Formanı göndərdiyiniz anda müraciətiniz bizim verilənlər bazamızda qeydə alınır — WhatsApp söhbətinə keçməyinizdən asılı olmayaraq. Bu ona görədir ki, müraciətiniz itməsin.

Müraciətlə birlikdə kiçik texniki qeyd də saxlanılır: göndərilmə vaxtı, brauzerin öz təqdim etdiyi məlumat və IP ünvanınızın birtərəfli (geri çevrilə bilməyən) heş-dəyəri. IP ünvanının özü saxlanılmır. Bu heş yalnız spam və avtomatlaşdırılmış göndərişlərin qarşısını almaq üçün istifadə olunur.

Kids proqramı və uşaq məlumatı

Kids formasında əsas müraciətçi və əlaqə şəxsi valideyn və ya qəyyumdur.

Formada uşağın adı, telefonu, e-poçtu, məktəbi və ya dəqiq ünvanı soruşulmur — ilk söhbət üçün bunlar lazım deyil. Yalnız yaş qrupu (9–12 və ya 13–17) və maraq sahələri soruşulur ki, uyğun treki müəyyən edə bilək.

Proqram başlayandan sonra lazım ola biləcək əlavə məlumat ayrıca, valideynlə birbaşa razılaşdırılır.

Niyə emal edirik

Topladığımız məlumatı yalnız müraciətinizi cavablandırmaq və sizə uyğun proqram istiqamətini müəyyən etmək üçün istifadə edirik.

Müraciət formasını doldurmaq qeydiyyat və ya öhdəlik demək deyil — o, söhbətin başlanğıcıdır.

WhatsApp ilə davam

Formanı göndərdikdən sonra sizi WhatsApp söhbətinə yönləndiririk və mesaj mətni əvvəlcədən doldurulmuş olur: hansı proqram, adınız və qısa kontekst.

WhatsApp müstəqil xidmətdir və öz məxfilik şərtləri ilə işləyir. Söhbətə keçdiyiniz andan yazışma həmin platformada saxlanılır.

WhatsApp brauzerdə açılmasa, eyni məlumat e-poçt vasitəsilə göndərilə bilər (lab@xdragency.az).

Kim görür və hansı xidmətlərdən istifadə edirik

Müraciətlərinizi yalnız komandamızın müraciətlərə baxan üzvləri görür.

Müraciət məlumatınız XDR-in öz serverində (Linode) saxlanılır — həm sayt, həm verilənlər bazası oradadır. Bundan əlavə istifadə etdiyimiz xidmətlər: domen və şəbəkə qoruması üçün Cloudflare, yeni müraciət barədə daxili e-poçt bildirişi üçün e-poçt təminatçısı (əgər qoşulubsa), statistika üçün isə yalnız siz razılıq versəniz Google və Meta alətləri.

Bu o demək deyil ki, məlumat heç vaxt serverdən kənara çıxmır: WhatsApp-a keçdiyiniz andan yazışma həmin platformadadır, bildiriş e-poçtu e-poçt təminatçısından keçir, razılıq verdiyiniz halda isə statistika alətləri öz məlumatlarını toplayır.

Məlumatınızı satmırıq və reklam məqsədilə üçüncü tərəflərə vermirik.

Kukilər və statistika

Saytın işləməsi üçün zəruri kukilərdən istifadə edirik — məsələn, kuki seçiminizi yadda saxlamaq üçün.

Statistika (Google Analytics) və marketinq (Meta Pixel) alətləri yalnız siz razılıq verdikdən sonra yüklənir. Razılıq verməsəniz, bu skriptlər səhifəyə ümumiyyətlə əlavə olunmur.

Bu alətlərə ad, telefon, e-poçt və formanın sərbəst mətn sahələri göndərilmir. Yalnız hansı proqram səhifəsinə baxıldığı və hansı düymənin basıldığı kimi ümumi məlumat ötürülür.

Seçiminizi istənilən vaxt dəyişə bilərsiniz — kuki seçimi altı ay saxlanılır, sonra yenidən soruşulur.

Nə qədər saxlayırıq

Müraciət məlumatını yalnız müraciətinizi cavablandırmaq və əlaqəni davam etdirmək üçün lazım olan müddətdə saxlayırıq.

Spam qorumasına aid texniki qeydlər ən çoxu 24 saat saxlanılır və sonra avtomatik silinir.

Məlumatınızın silinməsini istəsəniz, bizə yazın — silərik.

Təhlükəsizlik

Məlumatı qorumaq üçün müasir texniki tədbirlərdən istifadə edirik: şifrələnmiş bağlantı, məhdud giriş və idarəetmə panelinə qorunan giriş.

Heç bir sistemin tam təhlükəsiz olduğunu iddia etmirik — belə bir vəd real deyil. Öhdəliyimiz odur ki, zəruri tədbirləri görürük və problem aşkarlansa, ona operativ reaksiya veririk.

Sizin müraciətiniz

Sizinlə bağlı saxladığımız məlumatı öyrənmək, düzəltmək və ya silmək istəyirsinizsə, bizə yazın.

Əlaqə: lab@xdragency.az

Bu siyasətin dəyişməsi

Saytda nə isə dəyişəndə bu səhifəni də yeniləyirik. Yuxarıdakı tarix son yenilənməni göstərir.